Emmanuel Macron mbeti i bllokuar në rrugët e Neë Yorkut pasi policia bllokoi rrugët ndërsa po kalonte autokolona e Donald Trump. Në një video që tani është shpërndarë gjerësisht, presidenti francez doli nga automjeti i tij, i telefonoi presidentit amerikan dhe me shaka i kërkoi të "hapte rrugën". Macron sapo kishte dalë nga asambleja e përgjithshme e OKB-së ku ai njohu shtetin palestinez në një fjalim të hënën. Por në një skenë në kontrast të plotë, ai u pa duke u përballur me indinjatë me një oficer policie, duke kërkuar që të lejohej të kalonte barrikadat. Duke i kërkuar falje, oficeri shpjegon se rrugët janë mbyllur për lejuar kalimin e autokolonës presidenciale të Trump, e cila mund të përbëhet nga më shumë se 10 automjete. Trump ishte në Neë York për të folur në Kombet e bashkuara. "Nëse nuk e shihni autokolonën, më lini të kaloj", i tha Macron policit duke u mbështetur në gardhin metalik. I detyruar të presë, ai i telefonon më past Trumpit. “Hej, si je? E di çfarë, po pres në rrugë sepse gjithçka është mbyllur për ty!” i thotë ai presidentit. Një video më vonë e tregon atë duke ecur në këmbë drejt ambasadës franceze ndërkohë që vazhdon bisedën me Trump. Gjatë turit të tij të improvizuar në Manhattan, Macron pozoi për foto me kalimtarët dhe madje shihet edhe duke u përqafuar me një burrë. Dhe telefonata në dukje gazmore me Trump, vjen në një moment të tensionuar në marrëdhëniet Francë-SHBA, pasi Macron sfidoi presidentin amerikan duke njohur shtetësinë palestineze.