Presidenti Emmanuel Macron, lëshoi një breshëri ndaj mikpritësit të tij amerikan, në ditën e parë të një vizite të rrallë shtetërore në Uashington, duke thënë se subvencionet industriale amerikane ishin shumë agresive kundrejt konkurentëve francezë. “Kjo është një sjellje super agresive për njerëzit tanë të biznesit”, i tha Macron anëtarëve të kongresit dhe liderëve të biznesit që e kishin ftuar atë në një drektë para pjesës kryesore të vizitës shtetërore këtë të enjte, kur lideri francez do të qëndrojë gjithë ditën nën shoqërinë e presidentit Joe Biden. Edhe vlerësimi gri i Macron, se donte të ishte i respektuar si një mik i mirë, ka ngritur pakëz tonin në vizitën shtetërore të planifikuar me shumë kujdes që synon të lartësojë lidhjet amerikano-franceze... “Unë nuk dua të bëhem një treg për të shitur produkte amerikane sepse unë kam saktësisht të njëjtat produkte si ju”, tha Macron duke nënvizuar se franca ka klasën e saj të mesme në nevojë për punësim...Shtëpia e bardhë ka përgatitur një pritje të vecantë për vizitën e parë shtetërore, zyrtare, të një presidenti të huaj që kur Joe Biden mori postin e presidentit në Janar 2021. Himnet kombëtare franceze dhe amerikane jehuan në oborrin e saj ndërsa ushtria qëlloi 21 herë me top.