Bisedimet me partitë e tjera për koalicion të mundshëm do të zhvillohen pas certifikimit të rezultateve nga zgjedhjet e 7 qershorit, ka deklaruar Donika Gërvalla, Kryetarja e partisë Guxo, parti kjo në koalicion parazgjedhor me Vetëvendosjen. “Nuk i kemi ende rezultatet përfundimtare, kur ti kemi rezultatet e certifikuara do të shohim se cilat janë mundësitë që na ofrohen”, ka deklaruar Gërvalla. Ajo shprehet optimiste se nuk do të ketë ballafaqim me bllokada dhe bllokim institucionesh. Kryetarja e partisë Guxo, thotë se ofertat ndaj opozitës në të shkuarën kanë qenë gjeneroze, mirëpo janë refuzuar. Ajo tha se duhet të respektohet mandati qytetarëve të zbatohet kësaj here. “Ne nuk diskutojmë as për vija të kuqe, e as për koalicione të cilat do ti shohim pasi të kemi marrë rezultatin përfundimtarë të certifikuar”, tha Gërvalla. Aleatja e Kurtit u shpreh se zgjedhjet u fituan sërish bindshëm, Përsa I përket uljes së pjesëmarrjes në zgjedhje, Gërvalla tha se ky mesazh nga qytetarët duhet të analizohet dhe kuptohet nga të gjitha partitë opozitare. Sipas rezultateve preliminare të KQZ-së, Lëvizja Vetëvendosje ka arrit 45.25 për qind ose 51 mandate. PDK-ja është renditur e dyta, me 23 mandate. E treta LDK-ja me 19 mandate dhe AAK me 7 mandate.