Minisitri i jashtëm, Ferit Hoxha ju përgjigj homologut të tij serb, Marko Gjuriç duke nënvizuar se për shkak të rëndësisë jetike që ka lumi Ibër për Kosovën, ai nuk mund të shndërrohet në asnjë moment në një instrument ndëshkimi. Ferit Hoxha: “Uji është jetë. Ai nuk ka pasaportë, nuk lexon hartat politike dhe nuk ndalet për të pyetur se në cilën anë të një kufiri po rrjedh. Prandaj, kthimi i tij në një instrument ndëshkimi nuk është thjesht çështje e dikujt tjetër. Pra, po, Ibri nuk rrjedh përmes Shqipërisë. Por nëse nesër dikush do të kërcënonte ta privonte Serbinë nga uji që rrjedh përmes territorit të tij, Shqipëria do të ishte po aq e zëshme. Jo sepse ai ujë do të përfundonte në Shqipëri, por sepse një kërcënim i tillë do të helmonte bashkëjetesën paqësore të kësaj lagjeje që të gjithë e ndajmë. Për këtë shërbejnë fqinjët, apo jo?” Hoxha shton se të gjitha kanalet diplomatike të Shqipërisë mbeten po ashtu të hapura për të ndërtuar një dialog të fqinjësisë së mirë.