Zhvendosja e mercenarëve të grupit Wagner në Bjellorusi ka shqetësuar jo pak vendasit, sidomos pas paralajmërimeve të ndërkombëtarëve, se prania e tyre nuk mun të kontribuojë aspak në stabilitet. Megjithatë për të qetësuar popullin bjellorus, ka menduar diktatori Aleksander Lukashenko, i cili udhëheq vendin prej 30 vitesh dhe në një fjalim në DItën e Pavarësisë, foli edhe për praninë e Ëagner. Ai tha se grupi mercenar përbëhet nga suhtarë shumë të kualifikuar, që nuk do të ndikojnë aspak në stabilitetin e vendit dhe për më tepër, do të kontribuojnë në rritjen e ushtrisë bjelloruse. “Këta janë njerëzit më të përgatitur. Të burgosurit që u liruan për të luftuar në ukrainë, nuk shkojnë ajashtë vendit. Asnjë prej tyre nuk do të vijë në Bjelorusi”, deklaroi Lukashenko. Një javë më parë grupi I mercenarëve Wagner, që luajti nëj rol të rëndësishëm në luftën në Ukrainë, nisi një kryengritje ndaj qeverisë ruse dhe iu drejtua Moskës, por gjithçka përfundoi shpejt. Aleksander Lukashenko negocioi me presidentin Putin dhe liderin e Wagner, Prigozhin, duke i garantuar këtij të fundit strehimin në Bjellorusi, bashkë me rreth 15 mijë mercenarë. Këta të fundit pritet të vendosen në një kamp që po ndërtohet në lindje të Bjellorusisë, rreth 100 kilometra larg kufirit me Ukrainën.