Prokuroria Speciale e Kosovës ka ngritur aktakuzë kundër një shtetasi kosovar të premten, të cilin e akuzon për kryerje të “krimit kundër njerëzimit” në Siri dhe në Irak gjatë një periudhe trevjeçare nga viti 2014 deri më 2017. Në një komunikatë për media të premten, Prokuroria tha se i dyshuari me iniciale M.D., ngarkohet gjithashtu për kryerjen e veprës penale “shkelje e rëndë e ligjeve që zbatohen në konfliktet e armatosura që nuk janë të karakterit ndërkombëtar”.