Ministria ruse e mbrojtjes pretendon se forcat e saj të mbrojtjes ajrore kanë rrëzuar të shtunën katër raketa me rreze të gjatë veprimi të prodhuar nga SHBA, mbi gadishullin e Krimesë. Këto armë janë të njohura si Sistemet Raketore Taktike të Ushtrisë që Uashingtoni ka dërguar në Ukrainë javët e fundit, në mbështetje të kësaj të fundit për t’u përballur me agresionin rus. Më parë zyrtarët rusë thanë se Ukraina kishte sulmuar Krimenë me raketa të këtij loji, gjatë një përpjekje për të shkatërruar mbrojtjen ajrore ruse të gadishullit të aneksuar, duke shtuar se gjashtë prej tyre ishin rrëzuar. Një zyrtar amerikan tha në Uashington muajin e kaluar se Shtetet e Bashkuara dërguan fshehurazi raketa me rreze të gjatë veprimi në Ukrainë javët e fundit.