Kryeministri Edi Rama ishte i ftuar në Gjermani në panlin me temë “Perspektiva Europiane e Ballkanit Perëndimor”, nga ku e cilësoi integrimin në union si një prioritet kyç të Shqipërisë, dhe për të cilin po merren masat për përmbushjen e reformave. “Të jesh pjesë e Bashkimit Europian është për ne, të jesh pjesë e një bashkësie paqeje, bashkëpunimi dhe sigurie. Në shumë realitete të tjera BE perceptohet si një bankomat, për ne nuk është kështu. Nuk ka të bëjë me paratë, ka të bëjë me një parametër paqeje mbështetur në vlera, një parametër tolerance mbështetur në vlera, një parametër sigurie mbështetur në vlera. Kështu që po bëjmë maksimumin, natyrisht nuk është e lehtë dhe nuk do të vazhdoj të flas gjatë për këtë sepse kam mësuar se sa më shumë flet për Shqipërinë e për Ballkanin, aq më pak kuptojnë njerëzit sepse bëhet gjithmonë e më e ndërlikuar.”