Me mijëra njerëz luftuan me domate gjatë festivalit të përvitshëm të ushqimit, La Tomatina, në spanjë. Festivali që është një lufte urbane mes njerëzve, që qëllojnë njëri tjetrin me domate, mbahet në fshatin Bunjol, afër Valencias, në spanjë, të mërkurën e fundit të cdo gushti dhe këtë vit, ai festoi edhe ditëlindjen e tij të 76-të. Mijëra njerëz nga e gjithë bota u mblodhën për të marrë pjesë në festivalin ku njerëzit qëllojnë me domate njëri tjetrin për argëtim. Disa njerëz, vendosin syze në përpjekje për të mbrojtur sytë. Tomatina nis me një kamion të mbushur me domate që hyn në Plaza del Pueblo, rreth orës 11 të paradites. Pas një ore lufte me domate, nuk mbeten më të tilla për të goditur njëri tjetrin dhe kështu, nis pastrimi...ky proces i fundit përfshin edhe përdorimin e makinave zjarrfikëse, që lëshojnë ujë nëpër rrugë për të larguar salcën e kuqe, dhe banorët lokalë që përdorin furcat për të pastruar shtëpitë dhe rrugët.