Ushtria amerikane po përgatitet për mundësinë e operacioneve të zgjatura, disa javore, kundër Iranit në rast se Presidenti Donald Trump urdhëron një sulm, thanë dy zyrtarë amerikanë për Reuters, duke ngritur shqetësime për diplomacinë në rajon. Zyrtarët, që folën në kushte anonimiteti, konfirmuan se Pentagonit po dërgon një aeroplanmbajtëse shtesë dhe mijëra trupa të tjera në Lindjen e Mesme, së bashku me avionë luftarakë dhe shkatërrues me raketa të telekomanduara. Diplomatët amerikanë dhe iranianë zhvilluan javën e kaluar bisedime në Oman për të ringjallur diplomacinë mbi programin bërthamor të Teheranit, ndërsa grumbullimi i forcave amerikane ka rritur frikën e veprimeve të reja ushtarake. Sipas zyrtarëve, një operacion i mundshëm amerikan mund të përfshijë goditjen e objektivave shtetërore dhe të sigurisë iraniane, jo vetëm infrastrukturës bërthamore. Ekspertët paralajmërojnë se rreziqet për forcat amerikane janë të mëdha, duke marrë parasysh arsenalin e fuqishëm raketor të Iranit dhe mundësinë e sulmeve hakmarrëse që mund të shkaktojnë një konflikt rajonal.