Luftanijet amerikane në detin e kuq po përballen me një numër në rritje armësh të lëshuara nga forcat Houthi në jemen, këto javë të fundit, përfshirë një incident të shtunën kur një destrojer amerikan u qëllua shumë herë. Kjo përballje e shteteve të bashkuara të amerikës me Houthit, që thonë se marrin në shënjestër anijet tregtare të lidhura me izraelin, mund të rritet, pasi sekretari amerikan i mbrojtjes, Lloyd Austin njoftoi të martën për një operacion të ri të udhëhequr nga SHB, që do të ketë në fokus mbrojtjen e anijeve tregtare në detin e kuq dhe në gjirin e adenit. Marina amerikane nuk ka bërë të ditur se cfarë sistemesh armatimi po përdorin anijet e saj kundërs ulmeve të Huthit, por ekspertët thonë se një destrojer amerikan ka një varg sistemesh në dispozicion. Këto përfshijnë raketat tokë ajër, predhat shpërthyese nga topat kryesorë të destrojerit dhe sisteme të armëve në distanca më të afërta. Ekspertët thonë se anijet amerikane kanë edhe kapacitete të luftës elektronike që mund të ndërpresin lidhjet mes dronëve dhe kontrolluesve të tyre në tokë. Por, cfarëdolloj sistemi që përdorin ato, duhet marrë një vendim i bazuar mbi koston, inventarin dhe efikasitetin, e ndërkohë përballja sa vjen e thellohet. Dronët janë më të ngadaltë dhe mund të goditen me raketa të lira apo edhe me armët e vetë anijes. Raketat më të shpejta duhen interceptuar me sisteme më të sofistikuara. Rebelët Houthi kanë kryer shumë sulme kundër interesave amerikane në rajon dhe kundër izraelit, që pas sulmit të hamasit në izrael, në 7 tetor.