Volodimir Zelenski zgjodhi që ta shënonte ditën e 500-të të pushtimit të ukrainës duke postuar një video nga një ishull që u bë simbol i rezistencës ukrainase. Në fillim të luftës, ushtarët ukrainas që mbronin Ishullin e Gjarprit, sfiduan një urdhër të një luftanjeje ruse për tu dorëzuar, duke i thënë asaj: Luftanije ruse, shko në djall!. Ishulli në detin e zi, u pushtua nga rusia por më pas u rimor nën kontroll nga Ukraina. Në një video, presidenti i Ukrainës, e quajti ishullin, vendin e fitores që nuk do të mposhtet kurrë. Në klipin që nuk mban datë, të postuar në telegram, Zelenski e cilësoi ishullin si provën që tregon se ukraina do të rikthejë cdo centimetër tokë të marrë nga rusia. “Unë dua të falenderoj nga këtu, nga ky vend i fitores, secilin prej ushtarëve tanë, për këto 500 ditë”, tha zelenski në videon në të cilën ai shihej të mbërrinte në ishull me një barkë dhe të vendoste lule në një memorial. Luftanija e krenarisë së moskës, në flotën e detit të zi, Moskva, lundroi drejt ishullit të gjarprit në ditët e para të fillimit të luftës, dhe urdhëroi ushtarët ukrainas në ishull të dorëzohen. “Ju sugjeroj të ulni armët dhe të dorëzoheni për të evituar gjakderdhjen. Në të kundërt, do të bombardoheni”, u tha ushtarëve një oficer rus. Por, ushtarët ukrainas, dhanë përgjigjen epike, e cila u bë e famshme në cdo skaj të botës. Sidoqoftë, ishulli u pushtua dhe ushtarët ukrainas u zunë rob, por më vonë ata u këmbyen me të burgosur rusë lufte. Ishulli u rimor nën kontroll nga Ukraina, në qershor të vitit të kaluar.