Një luftanije franceze ka rrëzuar dy dronë në Detin e Kuq, të cilët ishin lëshuar në drejtim të saj nga bregdeti i Jemenit, tha Ministria e Mbrojtjes e Francës të dielën. Luftanija Languedoc e kishte pikasur dhe më pas shkatërruar dronin e parë rreth orës 21:30 të shtunën, ndërsa të dytin rreth orës 23:30, rreth 110 kilometra larg bregdetit të Jemenit. Lëvizja Huthi e Jemenit tha të shtunën se do të sulmojë të gjitha anijet që lundrojnë në drejtim të Izraelit, pavarësisht kombësisë së tyre, si dhe i paralajmëroi të gjitha kompanitë ndërkombëtare të transportit të mos bashkëpunojnë me portet izraelite. Lëvizja Huthi, e mbështetur nga Irani, ka sulmuar më herët e madje edhe ka rrëmbyer disa anije të lidhura me Izraelin në Detin e Kuq dhe në ngushticën e jemenit Baba l-Mandab, një rrugë detare përmes të cilës transportohet shumica e naftës botërore.