Ukraina ka sulmuar një cisternë të flotës hije të rusisë, në detin Mesdhe, afro 2 mijë km jashtë territorit të saj. Anija Qendil me flamur të Omanit u godit nga dronët në ujëra ndërkombëtare, pretendoi shërbimi SBU i Ukrainës. Anija 250 metra e gjatë, e cila ishte pa ngarkesë në atë kohë, dukej se po lundronte drejt Rusisë, përmes ngushticës së Gjibraltarit. Ukraina ka shtuar sulmet ndaj anijeve që ndihmojnë Rusinë të shmangë sanksionet. Anijet e flotës në hije marrin karburant nga Rusia përpara se ta transferojnë atë në anije të tjera në ujëra ndërkombëtare që më pas e shesin në tregje të hapura. SBU konfirmoi sulmin në një deklaratë: "SBU për herë të parë goditi një cisternë të 'flotës në hije' ruse në ujërat neutrale të Detit Mesdhe." Kjo vjen pas një sulmi të SBU-së ndaj një nëndetëseje ruse të klasit Kilo, ndërsa MI6 e Britanisë u zotua të rrisë mbështetjen për operacionet sabotuese të stilit të Luftës së Dytë Botërore. Sipas SBU-së anija u godit me dronë ajrorë dhe se në kohën e operacionit ajo nuk mbante asnjë ngarkesë. Si rrjedhojë, ky sulm nuk përbënte ndonjë kërcënim për situatën mjedisore në rajon- tha SBU në deklaratën e saj.