Sekretari i departamentit të shtetit, Marco Rubio tha se java e ardhshme do të jetë vendimtare për të ditur nëse SHBA-të do të vazhdojnë të përpiqen të ndërmjetësojnë paqen midis Rusisë dhe Ukrainës. Ai sugjeroi se afati i fundit i presidentit amerikan, Donald Trump për arritjen e një marrëveshjeje po afrohet me shpejtësi. “Jemi afër, por jo mjaftueshëm”, tha sekretari i Shtetit, Marco Rubio, teksa e përshkroi Moskën dhe Kievin më afër se kurrë arritjes së një marrëveshjeje, por prapë i zbuti pritjet për një përparim. “Kjo javë do të jetë një javë vërtet e rëndësishme në të cilën duhet të vendosim nëse kjo është një përpjekje në të cilën duam të vazhdojmë të përfshihemi, apo nëse është koha të përqendrohemi në disa çështje të tjera që janë po aq, nëse jo më shumë, të rëndësishme”, tha Rubio. “Ne duam ta shohim të ndodhë. Ka arsye për të qenë optimistë, por ka arsye për të qenë realistë”, tha ai.