Lufta në Lindjen e Mesme ka dhënë efektet e saj edhe në tregun shqiptar të turizmit. Ndonëse nuk raportohen anulime masive si në shumë vende europiane, agjencitë në Shqipëri raportojnë për anulime të rezervimeve, veçanërisht drejt Turqinë, një destinacion i zgjedhur nga shumë shqiptar, kryesisht familje me fëmijë të vegjël. Operatorë turistikë kaën bërë me dije se ritmi i prenotimeve ka rënë ndjeshëm ditët e fundit, teksa shumë prej tyre që kanë rezervuar më herët, kanë kërkuar garanci për rimbursim në shkak se Turqia përfshihet në luftë. Turqia ka qenë prej vitesh destinacioni kryesor i pushimeve verore për shqiptarët, me mijëra paketa të kontraktuara çdo sezon, sidomos për periudhën qershor–shtator, raporton revista Monitor. Nëse tensionet stabilizohen në javët në vijim, pritet që rezervimet të rifillojnë me ritëm më të shpejtë. Por nëse situata zgjatet, ngrirja aktuale mund të kthehet në rënie reale të shitjeve, duke detyruar agjencitë të rishikojnë strategjitë. Efekte të ngjashme mund të ndihen edhe për destinacione të tjera në Lindjen e Mesme dhe Afrikën e Veriut, si Emiratet e Bashkuara Arabe, Egjipti apo Jordania, ku vihet re rënie e prenotimeve.