Donald Trump ka marrë një qasje të re ndaj luftës në Ukrainë. Mesazhet e tij për luftën, janë të përziera dhe konfuze, si asnjëherë më parë. Ndërkohë, si Trump, ashtu edhe ndihmësit e tij që qëndruan në evropë javën e kaluar, nuk u kursyen në kritika e madje edhe kërcënime ndaj evropës. Si pasojë, liderët evropianë janë alarmuar dhe po tentojnë të gjejnë mënyrën më të mirë për të mbrojtur interesat e tyre, në një botë në të cilën partneri i pasluftës, SHBA, duket se po i lë vetëm. Natyrisht, gjatë gjithë luftës në Ukrainë, evropa nuk ka qenë gjithnjë në një mendje. Por, ka mundur ta ndihmojë vendin jo pak. Ndërsa SHBA e Trumpit, kërkon haptazi të marrë mbrapsht të gjitha paratë që administrata e mëparshme Biden ka dërguar në Ukrainë, në formën e ndihmave, BE nuk bën llogari të tilla. Sipas “Ukraine Support Tracker”, një raport i hartuar nga Instituti i Kielit në Gjermani, mes janarit 2022 dhe fundit të dhjetorit 2024, vendet dhe institucionet evropiane, bashkë me Britaninë e Madhe, i kanë dhënë ukrainës 132 miliardë euro mbështetje ushtarake, humanitare dhe financiare, krahasuar me 114 miliardë euro të dhëna nga Shtetet e Bashkuara. E ndërkohë, një tjetër paketë ndihme prej 115 miliardë eurosh është premtuar për Kievin nga Evropa. Kievi druan se nëse SHBA do të tërheqë mbështetjen, përpjekjet për të zbrapsur rusinë do të dëmtoheshin. Ukraina mund të humbasë toka të tjera...Por, disa ekspertë thonë se Evropa mund të kompensojë gjithcka...ajo mund ti ofrojë ukrainës ndihmën që i nevojitet, për të përforcuar pozicionin e saj negociues e për të ruajtur pavarësinë. Cka e ka treguar me shifrat e përmendura më sipër.