Presidneti i Turqisë Recep Tayyip Erdogan zhvilloi një bisedë telefonike me homologun e tij rus, Vladimir Putin. Sipas njoftimit të zyrës së shtypit të udhëehqeësit turk, dy liderat shprehën nevojën për më shumë diplomaci për zgjidhjen e konfliktit në veri të Sirisë. “Presidenti Erdogan theksoi se përderisa Turqia vazhdon të mbështesë integritetin territorial të Sirisë, po ashtu kërkon një zgjidhje të drejtë dhe të përhershme në Siri” shkruhej në njoftimin e shpërndarë në platformën X. gjatë bisedës, Erdogan po ashtu tha se është e rëndësishme të hapen më shumë hapësira për diplomaci në rajon dhe se regjimi sirian duhet të angazhohet në procesin e zgjidhjes politike. “Erdogan është zotuar se Turqia do të mbajë qëndrimin e saj sa i përket luftës kundër Partisë së Punëtorëve të Kurdistanit (PPK), që është shpallur organizatë terroriste nga Turqia dhe Shtetet e Bashkuara dhe “zgjatimeve” të saj që po tentojnë të përfitojnë nga zhvillimet e fundit në Siri, u tha në njoftim. Telefonata erdhi në një kohë kur në Siri rebelët po avancojnë akoma më shumë kundër forcave qeveritare.