Shumë vende kanë nisur operacione evakuimi dhe paralajmërime për shtetasit e tyre në Liban që kur Izraeli nisi sulmet tokësore ndaj fqinjit të tij dhe Teherani hodhi raketa në drejtim të Tel Avivit. Spanja "në parim" do të evakuojë rreth 350 njerëz nga Bejruti, tha ministrja spanjolle e mbrojtjes Margarita Robles të mërkurën. Dy aeroplanë ushtarakë do të fluturojnë për në Bejrut të enjten, tha ajo. “Qeveria spanjolle nuk la kurrë asnjë shtetas spanjoll, ne e bëmë atë në Afganistan, e bëmë në Niger, e bëmë në Sudan dhe do ta bëjmë në Liban”, tha Robles. Ndërkohë Greqia do t'i japë Qipros një avion ushtarak C-130 për të ndihmuar në evakuimin e shtetasve qipriotë nga Libani, ndërsa dy avionë të tjerë do të jenë në gatishmëri. Vendimi u mor pas kërkesës së depozituar në drejtim të Athinës nga ana e autoritetet qipriotë. Kurse Franca dërgoi anijet e saj amfibe për t’i ardhur në ndihmë 23 mijë shtetasve të saj që jetojnë në Liban. Nga ana tjetër edhe Holanda është barë gati për të larguar shtetasit e saj.