Lufta me Iranin ka ulur ndjeshëm rezervat e armëve të ushtrisë amerikane, ndërsa kostoja e konfliktit është gati 1 miliard dollarë në ditë. Kjo është ajo që raporton Neë York Times. Sipas gazetës, që nga fillimi i luftës me Iranin më 28 shkurt, Shtetet e Bashkuara të Amerikës kanë përdorur afërsisht 1,100 raketa lundrimi me rreze të gjatë veprimi të projektuara për një luftë të mundshme me Kinën, pothuajse i njëjti numër që kanë aktualisht në magazina forcat amerikane, dhe mbi 1,000 raketa lundrimi Tomahaëk, afërsisht 10 herë më shumë se numri që blen çdo vit. Për më tepër, Pentagoni ka përdorur mbi 1,200 raketa interceptuese Patriot, me një kosto prej mbi 4 milion dollarë secila, dhe më shumë se 1,000 raketa me precizion të lartë dhe ATACM, duke i lënë rezervat në nivele shqetësuese të ulëta, sipas vlerësimeve të brendshme të Departamentit të Mbrojtjes dhe zyrtarëve të kongresit. Zyrtarët e Shtëpisë së Bardhë kanë refuzuar të vlerësojnë koston e konfliktit deri më sot, por dy grupe të pavarura të cituara nga Neë York Times thonë se ajo është midis 28 dhe 35 miliardë dollarëve, ose pak më pak se 1 miliard dollarë në ditë. Vetëm në dy ditët e para, zyrtarët e mbrojtjes i thanë Kongresit, se Shtetet e Bashkuara përdorën në luftime municione me vlerë 5.6 miliardë dollarë.