Ibrahim Vadi, 62 vjec, dhe djali i tij Ahmad, 24 vjec, po shkonin në funeralin e katër palestinezëve që u vranë nga kolonët izraelitë në komunitetin e tyre të okupuar në bregun perëndimor kur makina e tyre u vendos nën sulm. Babai dhe djali po udhëtonin përmes fshatit të vogël Qusra, në jug të Nablusit, që është bërë një vatër dhune ditët e fundit, kur ata u qëlluan me armë zjarri nga kolonët izraelitë, të enjten. Anëtarët e familjes i thanë CNN se të dy ata ishin dërguar në një spital aty pranë dhe nuk kishin mundur ti mbijetonin plagëve të marra. Ata ishin mes të paktën 61 personave, mes të cilëve edhe fëmijë, që janë vrarë në bregun perëndimor që nga 7 tetori, kur hamasi kreu sulmin e tij të paprecedenttë në izrael. Më shumë se 1250 të tjerë janë plagosur, tha ministria palestineze e shëndetësisë. Sulmi i Hamasit ka shkaktuar më shumë se 1400 viktima në izrael, kryesisht civile, dhe të paktën 199 të tjerë besohet se janë marrë peng në gaza. Izraeli, ka shpallur rrethim të plotë të Gazës dhe nuk i ka ndalur sulmet ajrore, që deri më tani kanë marrë të paktën 3478 jetë njerëzish. Ndërkohë, trupat janë mbledhur në kufi, gati për një sulm tokësor. Por e gjithë kjo, ka bërë që tensionet të rriten shumë edhe në bregun perëndimor, ku palestinezët janë vrarë në konfrontimet me forcat izraelite por edhe me kolonët izraelitë.