Teksa numri I viktimave si pasojë e sulmeve izraelite në Gaza sa vjen e rritet, Presidenti i Parlamentit libanez ka bërë një paralajmërim të frikshëm për tërë Europën nëse situata përshkallëzohet. “Situata në zonë është shumë e rrezikshme. Dhe jo vetëm për Lindjen e Mesme, edhe në Evropë ka luftë në Ukrainë dhe një zgjerim i konfliktit në të gjithë rajonin do të kishte pasoja serioze edhe në Evropë dhe në botë. Nëse Izraeli përpiqet të hyjë në Liban, nuk do të lokalizohet vetëm në rajon. Republika Islamike e Iranit ka deklaruar hapur se në këtë rast do të ketë një luftë ndërrajonale”, tha Nabih Berri, Presidenti i parlamentit libanez. Por forcat izraelite nuk janë ndalur nga paralajmërimet e Libanit. Ato kanë goditur përmes sulmeve ajrore ndërtesat ushtarake të lëvizjes shiite pro-iraniane Hezbollah në zonën Hula, në Libanin jugor. Dhjetëra persona janë vrarë në 24 orët e fundit në Rripin e Gazës si pasojë e një serie sulmesh izraelite. Mediat prestigjioze ndërkombëtare bëjnë me dije se reagimi i ashpër i Izraelit vjen si hakmarrje për sulmin me dron që goditi së fundmi Tel-Avivin. Forcat e Mbrojtjes të Izraelit kanë deklaruar në rrjetin se goditja bëhet me qëllim eliminimin e plotë të strukturave të Hamasit. Pamjet: AFP