Teksa sulmet mes Iranit e Izraelit vijojnë, në të njëjtën kohë nuk ndalen as edhe përpjekejt diplomatike për të gjetur një zgjidhje paqësore për këtë konflikt që mund të sjellë pasoja për të gjithë rajonin e Lindjes dhe jo vetëm. Një takim I rëndësishëm u mbajt në Këshillin e Sigurimit të Kombeve të Bashkuara ku pati diskutime të forta midis Iranit dhe Izraelit. Në këtë takim të Këshillit të Sigurimit, fuqitë botërore diskutuan përshkallëzimin e konfliktit ushtarak. Sekretari i përgjithshëm i OKB-së paralajmëroi se bota po shkon drejt krizës, ndërsa fuqitë evropiane në këshill; Mbretëria e Bashkuar dhe Franca, bënë thirrje për qetësim urgjent të situatës. Ambasadori iranian e quajti sulmin izraelit “të paprovokuar”; ai këmbënguli se programi bërthamor i vendit të tij ishte paqësor dhe akuzoi SHBA-në për bashkëpunim, dhe pjesën tjetër të Këshillit të Sigurimit për dështim në veprim. Po ashtu nënvizoi se Irani do të vazhdojë të mbrohet derisa të ndalet veprimi ushtarak i Izraelit. Ambasadori izraelit nga ana e tij akuzoi Iranin se ka një “axhendë gjenocidale”.