Orientimi i politikës amerikane drejt luftës kundër trafikut të drogës amerikano-latine po prek edhe vendet europiane. Në dy javët e para të këtij viti, janë pak më shumë se 20 tonë kokainë të kapura në disa operacione të ndërmarra në Spanjë, Portugali, Itali dhe Holandë. E përbashkëta e këtyre operacioneve lidhet me përfshirjen e DEA-s amerikane, qoftë drejtpërdrejt, qoftë në mënyrë të tërthortë. Kryeoperacioni u ndërmor nga autoritetet spanjolle, franceze dhe gjermane që ishin sinjalizuar më parë nga antidroga e SHBA.