Në samitin e G20 që po mbahet në Rio de Zhaniero të Brazilit, presidenti amerikan Joe Biden nënvizoi edhe njëherë mbështetjen për Ukrainën. Numri një I Shtëpisë së Bardhë gjatë fjalimit të mbajtur nuk e përmendi vendimin e dhnies së ditës jeshile për përdorimin e raketave me rreze të gjatë veprimi nga ana e Kievit kundrejt bazave ushtarake ruse. “Ne të gjithë duhet të punojmë për t’iu dhënë fund konflikteve dhe krizave që janë duke gërryer përparimin drejt përmirësimit të sigurisë në botë”, tha Biden teksa shtoi se “Shtetet e Bashkuara e mbështesin fuqishëm sovranitetin dhe integritetin territorial të Ukrainës”. Ndërkohë më herët Krelini akuzoi presidentin amerikan në largim se po synon të përshkallëzojë konfliktin në Ukrainë. Deklaratat erdhën menjëherë pas raportimeve në media se Biden dha lejen që ukrainasit të përdorin armët amerikane. Ndërkohë vetë Shtëpia e Bardhë nuk i ka komentuar këto raportime.