Një tjetër incident është shënuar në ujërat e detit Baltik, ku një anije luftarake ruse hapi zjarr paralajmërues mbi një helikopteri të ushtrisë gjermane. Veprim ky që nëse do të përfundonte me goditjen e helikopterit gjerman do të mund të çonte në fillimin e luftës së tretë botërore. Agjencia gjermane e lajmeve DPA, raporton se ekuipazhi i anijes ruse qëlloi si paralajmërim në drejtim të fluturakes gjermane mbi Detin Baltik. Lidhur me këtë çështje u pyet zëdhënësi I ministrisë së Mbrojtjes gjermane, I cili nuk dha një konfirmim për ngjarjen. Sipas DPA-së, helikopteri ishte në një mision zbulimi. Ndërsa cituan ministren e Jashtme gjermane Annalena Baerbock, e cila e kishte përmendur shkurtimisht incidentin në një takim të NATO-s në Bruksel po pa dhënë shumë detaje. Baerbock tha pas raporteve se Rusia po zgjeronte sulmet e saj hibride në zonën e Detit Baltik, NATO duhet të forcojë monitorimin dhe mbrojtjen e infrastrukturës kritike. Rusia ka paralajmëruar shpesh perëndimin se do t’u kundërpërgjigjet nëse vijojnë të lejojnë Kievin që të përdorë armët e tyre kundër infrastrukturës ruse.