Turqia planifikon të rrisë me 229% shpenzimet për mbrojtjen gjatë tre viteve të ardhshme, në kuadër të një strategjie për zhvillimin e teknologjive vendase dhe forcimin e industrisë së saj të mbrojtjes. Lajmi u bë i ditur nga zëvendëspresidenti turk gjatë prezantimit të Programit për periudhën 2027-2029. Ai tha se synimi i Ankarasë është të ndërtojë një industri që zhvillon teknologjitë e veta dhe prodhon pajisje me vlerë të lartë të shtuar. Rritja e buxhetit të mbrojtjes është më e madhja mes shtatë fushave prioritare të përcaktuara në program. Investimet pritet të mbështesin projekte të rëndësishme të industrisë ushtarake turke. Sipas ministrit, pasiguria ekonomike dhe gjeopolitike në botë është rritur ndjeshëm, ndërsa lufta me Iranin ka ndikuar në çmimet e energjisë dhe mallrave, tregtinë globale, inflacionin dhe perspektivat e rritjes ekonomike. Turqia tashmë renditet ndër vendet me shpenzimet më të larta ushtarake në botë. Ndërkohë, ky zhvillim vjen edhe pas përplasjeve mes Athinës e Ankarasë, ku molli sherri është bërë deti Egje. Po ashtu, edhe Greqia ka nënshkruar kontrata të rëndësishme sa I përket armatimit të saj, duke bashkëpunuar edhe me Izraelin.