Irani paralajmëroi në një postim në mediat sociale se nëse krimet e luftës dhe genocidi i izraelit nuk ndalen atëherë situata mund të dalë jashtë kontrollit dhe pasojat do të jenë të tmerrshme. Postimi në platformën X, nga misioni i Iranit në Kombet e bashkuara, erdhi pasi më herët u raportua se Teherani kishte paralajmëruar izraelin, në një mesazh të dërguar përmes Kombeve të Bashkuara, se ai do të reagonte nëse izraeli do të niste një sulm tokësor në rripin e gazës të kontrolluar nga Hamasi. Izraeli po përgatitet të nisë një ofensivë tokësore kundër hamasit të mbështetur nga Irani në rripin e gazës, pasi u tha palestinezëve që jetojnë në territorin me popullatë të dendur, të largohen më në jug, drejt kufirit të mbyllur me Egjiptin. Izraeli ka premtuar se do të fshijë nga faqja e tokës hamasin, si hakmarrje për sulmin e grupit militant islamik një javë më parë. Hamasi sulmoi qytetet izraelite duke vrarë 1300 persona dhe duke marrë edhe shumë pengje, sulmi më i rëndë ky mbi civilët në historinë e izraelit.