Vendosja e karantinës 14 ditore për qytetarët që do të vinin nga Greqia dhe MAqedonia e Veriut, pak ditë para zgjedhjeve, është arsyeja se përse LSI pretendon se ka humbur në qarkun e Gjirokastrës, e pikërisht për këtë arsye ky subjekt kërkon pavlefshmërinë e rezultatit në bashkinë e Dropullit. Sipas LSI synimi I Komitetit Teknik të Ekspertëve ishte të goditej politiksh partia e Monika Kryemadhit. Në ankimimin e dorëzuar në KOmisionin Qendror të Zgjedhjeve, LSI sqaron Komisionin e Ankimimeve dhe Sanksioneve se urdhri për 'vetëkarantinimin e detyrueshëm', për një periudhë dy javore për të gjithë shtetasit që hyjnë në Shqipëri nga këto dy vende ka ndikuar drejtpërdrejt në pjesëmarrjen dhe rezultatin e votimit në zonën zgjedhje Qarku Gjirokastër. Pikërisht kjo masë, arsyeton LSI, e propozuar dhe e marrë 4 ditë përpara datës së zgjedhjeve, ishin akte të formësuar nga vullnet jo objektiv, por i orientuar politikisht e që solli si pasojë direkte negative pengimin e këtyre qytetarëve për të ushtruar të drejtën e tyre. Ky orientim u pa qartë sipas LSI, me anulimin me datë 3 maj 2021 të këtij urdhri, pak ditë pas mbarimit të zgjedhjeve. Sipas LSI nëse shtetasit shqiptar që jetojnë në Greqi nuk do të ishin penguar për të votuar shpërndarja e mandateve në Qarkun e Gjirokastrës do të ishte 2 PS, 1 LSI dhe 1 PD. Në ankimimin e LSI, theksohet se një anëtare e QV-je e PS-së dhe një numërues votash kanë ardhur nga Greqia në 19 prill .