Kryetarja e LSI-së Monika Kryemadhi foli sot në një deklaratë për media pasi u rikonfirmua si drejtuese e kësaj force politike. Ndërsa falënderoi të gjithë pjesëmarrësit në zgjedhje, Kryemadhi tha se LSI do të jetë partia e dyerve të hapur dhe të rinjve, të cilët nuk do të jenë vetëm anëtar por në strukturat drejtuese të kësaj force politike. “Pjesëmarrja juaj në zgjedhje ishte manifesitm i shkëlqyer solidariteti dhe besimi, pjesmërrja është një sfidë e fituar, çka më bën mua sot kryetaren më të nderuar, sepse kam nderin të kem në krah njerëz të ndershëm, ndaj ndjej detyrim dhe mirënjohje për të gjithë ju. Dua me dorë në zemër të them faleminderit LSI. Sot është vetëm fillimi, ne jemi të ndërgjegjshëm për sfidat e mëdha që na presin. Që të fitojmë mbi vështirësitë duhet tu ofrojmë shqiptarëve shpresën, atë shpresë që ju mungon, që është grabitur dhe është vrarë nga një qeveri pseudo-rilindëse. Ne dimë të krijojmë vende pune, do të ndihmojmë familjet shqiptare të menaxhojnë koston e jetesës. Do të të bëjmë të mundur që çdo shqiptar të ndihet në Shqipëri si në shtëpinë e tij. Ne fund te fjales te saj kryetarja e LSI, theksoi se gratë i njohin betejat me të cilat përballen familjet e tyre përditë dhe ftoi grate perpjesemarrje me te gjere ne politike.