Jeta e një çifti britanik shumë të dashuruar me njëri-tjetrin ndryshoi brenda 1 dite, pasi fituan 3.6 milionë paund, ku një pjesë të shumës e morën në dorë, ndërsa pjesën tjetër do ta marrin për 30 vitet e ardhshme nga 10 mijë paund në muaj. Por surpriza më e madhe erdhi kur 40 vjeçarja Laura Hoyle vendosi të lërë të dashurin e saj Kirk Stevens dhe të jetojë e vetme në shtëpinë luksoze që ata kishin blerë së bashku. Kirk tha për mediat se ata ishin mjaft të lumtur kur fituan çmimin, madje ai kishte zgjedhur edhe unazën për t’i propozuar për martesë, por në fund ajo e la. Ky është rasti më i fundit që dëshmon se llotaria jo vetëm të rregullon jetën, por mund edhe shkatërron disa të tjerë. Në gusht të 2012 fati trokiti në derën e Adrian dhe Gillian Bayford, të cilët u bënë fitues të rreth 148 milion paund. Çifti përdori fitimet e tyre për të blerë një pronë luksoze, dhe shtëpi të kompletuara me dhomë kinemaje dhe bilardo. Mirëpo shumë shpejt ndodhi ajo që nuk pritej. Por brenda një viti martesa e tyre përfundoi dhe Gillian u kthye në Skoci me gjysmën e pjesës së saj të fitimeve, ku ajo hapi një kompani pronash. Që atëherë ajo është rimartuar dhe ka lindur fëmijën e saj të tretë me burrin e saj të dytë. Ndërsa ish bashkëshorti i saj nuk arriti të gjete qetësi në jetën e tij, pasi pati një listë të gjatë marrëdhëniesh të dështuara. Prandaj Bayford nxorri në shitje të gjithë pronat e tij dhe u zhvendos për të qenë më afër fëmijëve të tij.