Autoritetet policore kanë vijuar kontollet në lagjen ‘5 Maji’ në Tiranë, ku vetëm pak ditë më parë loja fatale, ‘Ruleta Ruse’ i mori jetën 27 vjeçarit Mehmet Qema. Uniformat blu kanë zhvilluar kontrolle hetimore në banesën e marrë me qera të 22 vjeçarit Kristjan Peçi. Gjatë kontrollit u gjetën dhe u sekuestrua në cilësinë e provës materiale pajisje njësie kompjuterike, dy grirese të lëndëve e dyshuar narkotike e llojit Cannabis Sativa si dhe municion luftarak. Si rezultat i materialeve të grumbulluara nga policia e Tiranës, është vënë në pranga Kristjan Peçi. Gjithashtu është konstatuar se në banesë ka pasur lidhje të jashtëligjshme të energjisë elektrike, për të cilën është vënë në pranga Evis Zeneli i cili punon faturist në OSHEE. 34 vjeçari akuzohet për shpërdorim detyre. Ndërkohë autoritetet policore po vijojnë kontrollet për zbardhjet e plotë të ngjarjes që tronditi Tiranën mbrëmjen e 10 majit, ku Mehmet Qema, një 27 vjeçar nga Hasi është goditur me një plumb në gjoks, plumb i cili ka rezultuar fatal dhe i ka marrë jetën të riut.