Ali Ahmeti dhe partnerët e koalicionit të drejtuar prej tij në zgjedhjet e 8 majit, që u rëndit forcë e dytë në parlamentin maqedonas, pas VMRO-së fituese, kanë prezantuar platformën e tyre në lidhje me qeverinë e re. Kreu i BDI-së, Ali Ahmeti duke folur për qeverinë e ardhshme dhe koalicione e mundshme tha se “Loja s’ka filluar akoma”, duke nënkuptuar se asgjë nuk është mbyllur mes VMRO-së dhe koalicionit tjetër shqiptar, VLEN në lidhje me bashkëqeverisjen. Fronti Europian, përmes një deklarate të përbashkët zotohet që të mbështesë një qeveri të re vetëm nëse ka parësore integrimin e në Bashkimin Europian dhe ndërhyrjen në Kushtetutë për të zgjidhur krizën politike në vend. Kriza aktuale, e lidhur ngushtë me ndryshimet e propozuara kushtetuese, kërkon vëmendje të menjëhershme dhe përpjekje bashkëpunuese për të mbrojtur parimet demokratike dhe mirëqenien e qytetarëve të Maqedonisë së Veriut. Ndryshimet e propozuara kushtetuese kanë krijuar një situatë që kërkon shqyrtim të kujdesshëm, dialog të hapur dhe një angazhim të përbashkët për të gjetur një zgjidhje të qëndrueshme dhe gjithëpërfshirëse”, thuhet në deklaratë.