Aktivistë ukrainas raportohet se kanë hakeruar llogarinë e blerjeve në internet të një vullnetari rus, i cili po blinte dronë për forcat e Moskës, duke i drejtuar paratë drejt një dyqani lodrash erotike. Grupi Kiber Sprotyv njoftoi se kishin vënë nën shënjestër llogarinë AliExpress të Mihailo Luchin, një mik i blogerit ushtarak pro-rus Vladlen Tatarsky, i cili u vra në një shpërthim në një kafene në Shën Pjetërburg të dielën. Luchin po mblidhte para për të blerë dronë që do të përdoreshin nga trupat ruse në Ukrainë.