Ish-kryeministri Sali Berisha kërkoi këtë të enjte nga SHBA e FBI, që të hetojnë veprimtarinë e Xhorxh Soros në vendin tonë dhe lidhjet e tij me qeverinë aktuale. Sipas tij kryeministri e familjarët e tij u pasuruan nga kjo marrëdhënie. Por theksoj se Edi Rama me ish-bashkëshorten dhe bashkëshorten aktuale, janë pasuruar me miliona e miliona nga paratë ilegale të Xhorxh Sorosit në Shqipëri. Thirrja ime për qeverinë e SHBA dhe kongresin e SHBA, thirrja ime për FBI-në, të shtrijnë hetimet e tyre për Xhorxhin dhe të birin edhe në Shqipëri gjatë 20 viteve dhe do gjejnë se si ata përdorën çdo lloj influence kundër një force politike në favor të ekstremit të majtë të Edi Ramës, bashkëshortes së tij dhe ish-bashkëshortes së tij, të gjitha drejtuese kryesore në fondacionin Soros, të ushqyera me miliona nga ky fondacion. Nga ana tjetër, Berisha tha se personi që loboi për nongratën e tij, sot është nën hetim dhe nuk mund të shkelë në asnjë institucion amerikan.