Ndonëse prej 1 prillit, bastet sportive janë legalizuar, ushtrimi i këtij aktiviteti pa licencë është është i paligjshëm, kjo për shkak se komisioni për dhënien e licencave nuk është ngritur ende. Procesi i ngritjes së komisionit ka ngecur te pëse emërimet e ministrive, përkatësisht të Ministrisë së Brendshme, financave, asaj të ekonomisë, ministrisë së çështjeve sociale dhe asaj të drejtësisë. Pesë nga shtatë anëtarët e komisionit, mund të jenë persona që nuk kanë lidhje me administratën publike, ndërsa përzgjedhja e tyre pritet të realizohet brenda këtij muaji. Qeveria ka përcaktuar masën e pagesës për çdo mbledhje të këtij komisioni, ku sipas vendimit të 22 majit, 35 mijë lekë do të përfitojë kryetari dhe 30 mijë lekë anëtarët. Megjithë mosplotësimin e këtij komisioni, ofertat për të përfituar të paktën një nga dhjetë licencat nuk mungojnë. Burime të Top Neës pohojnë se interesimi është i lartë. Të paktën tre kompani janë ndërkombëtare, serioze dhe të njohura në Europë dhe botë për ushtrimin me sukses të këtij aktiviteti ndër vite. Por, thonë burimet, nuk mungojnë as oferta e dyshimta. Njëra prej atyre qe ka shfaqur interes është nga një kompani e regjistruar në Qipron turke, pas të cilës dyshohet se qëndron shtetasi turk, Veysel Sahin. Për shqiptarët është një emër i panjohur, për turqit jo. Në vitin 2017, autoritetet turke ndërmorën një operacion masiv kundër basteve të paligjshme në Stamboll, Qipron Veriore, në Izmir dhe Bodrum.