Shtëpitë po digjen në qytetin islandez të Grindavikut pasi dy carje vullkanike u hapën atje. Një vullkan në gadishullin Reikianes shpërtheu në orët e para të së dielës, duke nxjerrë llavë mbi qytet. Shpërthimi po rezulton të jetë skenari më i keq sipas një eksperti, me të gjithë popullatën e qytetit që është evakuuar. Mbrojtja e ngritur pas një shpërthimi në dhjetor, pjesërisht ka mundur të ndalë llavën, por në disa pika barrierat janë shembur. Rruga kryesore për në qytet është ndërprerë në mes nga një rrjedhë llave. Duke folur në televizionin kombëtar, presidenenti i islandës i kërkoi njerëzve të qëndrojnë të bashkuar dhe të ndihmojnë ata që nuk mund të qëndrojnë në shtëpitë e tyre. Ai tha se shpresonte se situata do të qetësohej por edhe paralajmëroi se gjithcka mund të ndodhte. Disa dridhje të forta toke i paraprinë shpërthimit në dhjetor në sistemin vullkanik Svartsengi. Në javët që pasuan, mure të forta u ndërtuan rreth vullkanit për të devijuar llavën larg nga grindaviku, një qytet ky me 4 mijë banorë. Autoritetet islandeze thanë se barrierat ishin shembur në disa vende, duke lejuar llavën të arrijë qytetin, cka më pas ka bërë që shtëpitë e ndërtesat të marrin flakë. Niveli i alarmit në vend është rritur në shkallën më të lartë, cka sinjalizon se mund të ketë kërcënim për jetët e njerëzve, komuniteteve, pronave dhe ambjenteve. Shpërthimi i të dielës është i pesti që ndodh në gadishullin Reikjanes që nga 2021.