Etna është zgjuar sërish me rifillimin e aktivitetit vullkanik fillimisht e më pas me shpërthimin e shatërvanëve të llavës dhe emetimin e hirit. Në vecanti, aktiv është krateri jug lindor nga i cili po del një kolonë hiri e llave rreth 4500 metra e lartë që ka bërë që hiri të bjerë mbi disa rajone përreth, mes të cilëve edhe qyteza e Zafferanas. Situata po monitorohet nga ekspertët e institutit kombëtar të gjeofizikës dhe vullkanologjisë në itali. Këta të fundit, e monitorojnë vullkanin aktiv më të lartë në evropë edhe përmes analizave të imazheve të marra nga rrjeti i telekamerave të vëzhgimit. Nga pasditja e të dielës, aktiviteti është intensifikuar me shatërvanët spektakolarë të llavës. Fenomenet shpërthuese janë shoqëruar edhe nga rritja konstante e nivelit të dridhjeve të Etnës që sinjalizon ngjitjen e magmës. Mediat italiane shkruajnë se rrjedhja e llavës së etnas mund të shihej nga kilometra largësi ndërsa avionët që kanë kaluar në rajon janë paralajmëruar për aktivitetin vullkanik. Mali etna ka një lartësi prej 3300 metrash dhe ndodhet në ishullin e sicilisë. Ai është vullkani më i lartë aktiv në evropën kontinentale.