Tregtia përmes Lituanisë në enklavën ruse të Kaliningradit mund të kthehet në normalitet brenda pak ditësh, thonë dy burime të afërta me cështjen për agjencinë e lajmeve Reuters, ndërsa zyrtarët evropianë duket se po shkojnë drejt një marrëveshjeje kompromisi me vendin baltik për të shuar përplasjen me Moskën. Kaliningradi, i cili është i rrethuar me vende anëtare të Bashkimit Evropian dhe varet tek hekurudhat dhe rrugët përmes Lituanisë për tu furnizuar me mallra, është izoluar nga pjesa tjetër e rusisë që prej 17 qershorit si pasojë e sanksioneve të vendosura nga Brukseli. Zyrtarët evropianë po bisedojnë për të përjashtuar territorin nga sanksionet, që kanë goditur deri më tani mallrat industriale, si celiku, duke hapur rrugën për një marrëveshje në fillim të korrikut, nëse Lituania, anëtare e BE-së, heq dorë nga kundërshjtitë. Përplasja në lidhje me izolimin e enklavës ruse po vendos përpara një testi vendosmërinë e evropës për të zbatuar sanksionet e vendosura pas pushtimit rus të ukrainës, duke ndezur frikën e një përshkallëzimi pasi masat drastike e shtynë Rusinë drejt dështimit në pagesat e borxheve të saj. Zyrtarët evropianë, me mbështetjen e gjermanisë, po përpiqen të gjejnë një zgjidhje kompromisi për një nga shumë përplasjet me moskën. Nëse trajektorja tradicionale për mallrat ruse në kaliningrad, fillimisht përmes Bjellorusisë dhe më pas Lituanisë, nuk rikthehet, atëherë shteti baltik druan se moska mund të përdorë forcën ushtarake për të hapur një korridor tokësor përmes territorit të saj.