Kamionë të ngarkuar me shkëmbinj të thërrmuar dhe minerale kalojnë përmes një peizazhi si krater në Finlandën perëndimore, vendi i parë në Evropë që ka ndërtuar të gjithë ciklin e një miniere litiumit, nga gërmimi deri në rafineri. Litiumi është kritik për prodhimin e elektronikës moderne dhe është bërë një burim strategjik, me disa që e krahasojnë atë me rolin që luante nafta në fillim të shekullit të 20-të. Me Kinën që përbën shumicën e furnizimeve botërore në këtë moment, vendet kanë nxituar për të zhvilluar burimet e tyre. Ndërsa ka rezerva litiumi në vende të tjera evropiane, si Portugalia dhe Republika Çeke, Finlanda është e para që ka të gjithë zinxhirin e prodhimit, nga miniera në rafineri, të vendosur brenda 43 kilometrave, sipas zyrtarëve të kompanisë. Në një ditë me diell në fund të prillit, retë e pluhurit qëndronin pezull mbi minierën e hapur Syvajarvi në komunën e vogël finlandeze Kaustinen, ndërsa mineralet me përqindje oksidi litiumi nxirrej.