Është publikuar lista përfundimtare e zgjedhësve që do të marrin pjesë në zgjedhjet e pjesshme vendore për gjashtë bashkitë pa kryetarë. Lista u publikua nga Ministra e Brendshme për zgjedhjet që do të mbahen më 6 mars. Gjashtë bashkitë të cilët janë pa kryetarë janë Bashkia Shkodër, qarku Shkodër, Bashkia Dibër qarku dibër, Bashkia Durrës qarku Durrës, Bashkia Vorë dhe, Rrogozhinë qarku Tiranë, si dhe Bashkia e Lushnjes në qarkun e Fierit. Drejtoria e Përgjithshme e Gjendjes Civile ka bërë me dije se të drejte vote për zgjedhjet më 6 mars kanë 654,538 shtetas shqiptarë, 10 mijë e 134 prej të cilëve janë votues për herë të parë. 135 shtetas nuk janë përfshirë në lista për shkak të dekriminalizimit. Ndërsa e njëjta drejtori njofton se 941 është numri i qendrave të votimit. Nga ana tjetër, Komisioneri Shtetëror i Zgjedhjeve, Ilirijan Celibashi u bëri apel qytetarëve të cilët kanë të drejtë të votojnë për zgjedhjet e pjesshme lokale, që të kontrollojnë vlefshmërinë e dokumenteve të tyre të identifikimit.