Teksa data e zgjedhjeve të reja parlamentare sa vjen e afrohet, njëherësh afrohen apo edhe kalohen afate të ndryshme ligjore, që nga ai për hartimin e listave të zgjedhësve, njoftimi me shkrim i tyre apo edhe kostot për realizimin e këtyre detyrimeve ligjore. Referuar këtyre parashikimeve ligjore, ka reaguar edhe Koalicioni për Reforma, Integrim dhe Institucone të Konsoliduara, KRIIK. Nëpërmjet një deklarate pëe mediet KRIIK thekson se “Sipas parashikimeve të Kodit Zgjedhor, fillimi i procesit të hartimit të ekstraktit të përbërësve zgjedhorë të të gjithë shtetasve që kanë vendbanim në zonat e qendrave të votimit nën juridiksionin e çdo Zyre të Gjendjes Civile, duhet të fillonte prej ZGJC-ve jo më vonë se data 10 dhjetor 2024, bazuar në një Udhëzim të Ministrit të Brendshëm, i cili ende nuk është miratuar e bërë me dije.”