Kreu i grupit parlamentar të Partisë Socialiste, Taulant Balla ka depozituar në Gjykatën e Posaçme kërkesën penale kundër kreut të PD-së, Sali Berisha. Kërkesa është bërë me argumentimin e fyerjes, duke iu referuar një postimi të kryedemokratit bërë në rrjetet sociale ditën e mërkurë. Balla kërkon që Berisha të akuzohet dhe dënohet për akuzën e fyerjes botërisht në dëm të disa personave, ose më shumë se një herë. Duke cituar qytetarin digjital, Sali Berisha postoi të mërkurën një mesazh, ku akuzonte Taulant Ballën për lidhje me Mario Çelën, vëllain e Suel Çelës. Sipas denoncimit të publikuar në Facebook, Berisha thekson se ‘Balla ka nxjerrë nga burgu i Peqinit vrasësin e rrezikshëm Mario Çela dhe e ka dërguar në një dhomë urgjence në spitalin e Elbasanit’. ‘Sqaroj publikun, shkruante Berisha, se Mario Çela ndër të tjera është personi me të cilin Taulant Balla, sipas tij, është i regjistruar në bisedë telefonike me grupin Çela të Elbasanit për të arrestuar rivalët e këtij grupi në këtë qytet.