Gjykata e shkallës së parë ka lënë të lirë tre punonjësit e bashkisë Shkodër Ergys Ivziku, petrit Dyli dhe Mhill Volaj, pasi u ndaluan ndërsa transportonin qese me ushqime. Ata u arrestuan nga policia nën dyshimin se po shpërndanin ndihma ushqimore në këmbim të votave për zgjedhjet e të dielës, por në seancën për masën e sigurisë, nuk pati prova të mjaftueshme për të vërtetuar akuzën. Prokurorja Shqiponja Milla, kërkoi detyrim paraqitje për tre zyrtarët e bashkisë shkodër dhe gjykata pranoi kërkesën e prokurorisë duke i lënë të lirë ata. E vetmja gjë që prokuroria mundi të provonte në seancën për masën e sigurisë ishte fakti se ata po transportonin ushqime me makinë, por nuk kishte asnjë të dhënë konkrete se ato ushqime do të ndaheshin për qytetarë të ndryshëm në këmbim të votës, sic edhe pretendoi policia në momentin e arrestimit. Në njoftimin e shpërndarë nga policia e shkodrës, një ditë më parë, thuhej edhe se ishte shpallur në kërkim porositësi i pakove me ushqim, me detyrë drejtor i drejtorisë së ujësjellës kanalizimeve në bashkinë shkodër.