Dëshmia e autorit të ekzekutimit të Liridona Murselit drejtoi pistat hetimore drejt bashkëshortit të saj, Naim Murseli, i cili dyshohet se pagoi 30 mijë euro Granit Plavën për të vrarë nënën e fëmijëve të tij, dhe gjithçka u inskenua si grabitje. Shkaqet që fshihen pas kësaj vrasjeje mbeten ende të pazbardhura, teksa dy të arrestuarit Murseli dhe Plava po merren në pyetje. Për ngjarjen e rëndë ku i dyshuar tashmë është këshilltari i tij, reagoi ish presidenti Pacolli përmes një postimi në rrjetet sociale ku shpreher: “Sot, fëmijët dhe familia kanë varrosur Liridonën, një vajzë dhe nënë të re e cila u vra mizorisht. Jam ende i tmerruar dhe i tronditur nga vrasja e Liridonës, të cilën e kam njohur personalisht. Sot dhe çdo ditë, lutjet dhe mendimet e mia janë me fëmijët dhe familjen e Liridonës.”