Moti i keq ka përfshirë veriun e italisë me një stuhi të dhunshme që është përplasur gjatë natës mbi Milano. Shiu i dendur nisi pak pas orës 4 të mëngjesit. Lumi Seveso ka dalëq nga shtrati duke shkaktuar përmbytje dhe duke krijuar probleme të mëdha. Uji ka pushtuar rrugët në disa zona ndërkohë që janë regjistruar edhe ndërprerje të energjisë elektrike. Një numër banorësh janë evakuuar ndërkohë që tani po shqetëson edhe liqeni i Komos, ku niveli i ujit është rritur frikshëm. Një numër rrugësh janë bllokuar nga përmbytjet, përfshirë superstradën Milano-Meda dhe autokolona të gjata makinash u krijuan në disa pika. Edhe provinca e Monzës, nuk ëhstë kursyer nga moti i keq, që vec problemeve të tjera është bërë edhe shkak për aksidente automobilistike. Skudarat e zjarrfikësve ndërkohë kanë shpëtuar një grua që kishte mbetur e bllokuar në makinën e saj, me dy fëmijët e mitur, pasi një pemë kishte rënë mbi të. Shirat e forta në Milano, gjatë natës, me shumë rrufe, janë shoqëruar edhe snga era e fortë që ka bërë që pemët të thyhen apo edhe të shkulen me rrënjë. Skuadrat e emergjencave e kanë gjetur veten nën një breshëri telefonatash për ndihmë pas problemeve që varionin nga cati të dëmtuara e deri tek bodrume të përmbytura. Për momentin sidoqoftë nuk është raportuar për persona të lënduar. Lumi Seveso në Milano, nuk kishte dalë nga shtrati në këto përmasa që nga viti 2014. Erë e fortë dhe shira të rrëmbyeshëm ka patur ndërkohë edhe në veri lindje të vendit dhe në rajonin e Emilia Romanias.