Pavarësisht emrit të tij, Deti i Galileut në izraelin verior është aktualisht një liqen me ujë të ëmbël dhe ka mbështetur jetën përreth tij për mijëvjecarë. Edhe sot, liqeni ndihmon në ujitjen e vreshtave dhe fermave lokale që rrisin gjithcka, që nga perimet e gjelbra e deri tek drithërat dhe agrumet. Arkeologjia e tij, burimet me ujë termal dhe trajektoret për hiking, sjellin turistë dhe rrjedhimisht edhe mundësi për komunitetet lokale. Por ky vend pelegrinazhi fetar, ku bibla thotë se kanë ndodhur shumë nga mrekullitë e Jezu Krishtit, po përballet me një të ardhme të zymtë. Kriza e klimës po redukton ndjeshëm nivelin e ujit, ndërkohë që liqenet po thahen në të gjithë lindjen e mesme dhe përtej saj. Por qeveria izraelite shpreson se e ka një zgjidhje. Ajo planifikon të pompojë ujë nga deti mesdhe, të largojë kripën prej tij dhe ta cojë mes për mes vendit, atje ku nevojitet. E ky do të ishte një ndryshim dramatik për detin e Galileut, që dikur ofronte thuajse të gjithë ujin e pijshëm që i nevojitej izraelit.