Liderët në Izrael kanë rritur pritshmëritë për mbështetjen e Amerikës ndaj vendit të tyre, pasi presidenti Donald Trump u rikthye në krye të Shtëpisë së Bardhë. Propozimi më i ri i Trump për të kontrolluar dhe dhënë fund konfliktit në Lindjen e Mesme duke dërguar palestinezë në Egjipt dhe Jordani, sipas Zërit të Amerikës në Izrael shihet si qasje e pazakontë ndaj politikës së jashtme, që mund të sjellë rezultate në favor të shteti hebre. Shumë izraelitë, sidomos përkrahësit e qeverisë së krahut të djathtë të Kryeministrit Benjamin Netanyahu, presin që Izraeli të përfitojë nga politika të tilla, pasi shihen në dobi të vendit të tyre. Sakaq mes analistësh thuhet se mbështetja e Trump ndaj Netanjahut, mund ti japë fund dhe të shkatërrojë programin bërthamor të Iranit. Më parë presidenti Trump është zotuar t’u japë fund të gjitha luftërave, duke përfshirë edhe atë mes Izraelit dhe Hamasit, mes të cilëve për momentin po zbatohet një marrëveshje për lirimin e pengjeve.