Kryeparlamentarja Lindita Nikolla dha dorëhqejen nga detyra. Në seancën e fundit parlamentare, numri një I Kuvendit vendosi të përfundojë rrugëtimin e saj tre vjeçar si rezultat I një situate personale shëndetësore. Ajo tha se kjo gjë ia bën të pamundur ta kryej detyrën e lartë të funksionarit të dytë të shtetit me angazhimin kërkues që kjo detyrë kërkon. Jam përpjekur të jap më të mirën time çdo ditë, për të siguruar mbarëvajtjen e punës së këtij parlamenti. Pa i hyrë në hak askujt në këtë sallë. Nëse dikujt i kam krijuar një përshtypje tjetër e siguroj se nuk ka qenë në asnjë mënyrë qëllimi im. Nëse me ndokënd kam gabuar padashje i kërkoj ndjesë. Nikolla falenderoi të gjithë administratën e Kuvendit për punën e madhe që bën çdo ditë në mbështetje të veprimtarisë parlamentare. Dua të falenderoj të gjithë punonjësit e shërbimeve mbështetëse për përkushtimin e tyre në punë. Dua t’ju uroj megjithë zemër të gjithëve ju që të keni motivimin, angazhimin e shëndetin e plotë për të vazhduar misionin fisnik të përfaqësimit të shqiptarëve. Po e mbyll me lutjen që të mos spekulohet politikisht me këtë largim timin të padëshiruar, por të pashmangshëm, sepse besoj që nuk ka asgjë më njerëzore, se sa pamundësia që më detyroi të ndërmarr këtë hap. Lindita Nikolla u zgjodh në krye të Kuvendit me 79 vota pro në 10 shtator të vitit 2021. Ajo pasoi në detyrë Gramoz Ruçin, I cili vendosi të tërhiqej nga politika.