Në qytetin sirian të Xhindajrisit, një foshnje e sapolindur u nxor nga rrënojat. “Ne pastruam pluhurin dhe e gjetëm foshnjën që kishte ende kordonin e kërthizës, e premë atë dhe kushëriri im e mori foshnjën e dërgoi në spital”, thotë një familjar. Vajza e vogël, u gjet nën rrënoja më shumë se 10 orë pas tërmetit, me kordonin ombelikal ende të lidhur me të ëmën, e cila nuk mundi të mbijetonte dhe as babai... Foshnja u vendos në inkubator, në gjendje të qëndrueshme, dhe mjeku që po e trajton thotë se ajo ka lindur rreth tre orë para se të nxirrej nga rrënojat nga skuadrat e shpëtimit. “Fëmija tani është në gjendje stabile. Ajo ka disa mavijosje dhe gërvishtje në trupin e saj dhe mbërriti me hipotermi të rëndë, kështu që e ngrohëm dhe i dhamë kalcium”, tha pediatri Hani Maarouf.